TV Tipp - Regio TV zum Tag der Muttersprache

Themen abseits vom Fussball
Antworten
Benutzeravatar
Bobis
Kickers-Fan
Beiträge: 2671
Registriert: Montag 26. Januar 2009, 08:39
Wohnort: שטוטגרט

TV Tipp - Regio TV zum Tag der Muttersprache

Beitrag von Bobis »

Regio TV Schtuagrd zeigd am 21. Februar sei O-Bed-Schornal kombledd uff schwäbisch

Schtuagrd – Auf Vorschlag von dr UNESCO händ die Vereinde Natiohna den oisatswantsigschda Februar als „Internationala Dag onsrer scheena Muddersprooch“ aus-g´rufa! Seit dem Johr 2000 wird der oimol em Johr gfeiert! Von denne oh-g´fähr 6000 Sproocha, die weltweit g´schwätzt wärded, send - so sächt die UNESCO - die Hälfte scho vom Aus-Schterba bedroht!

Ond des trifft inzwischa au auf die meischte Dialäkte zu! Des derf ned so bleiba! Sogar Schwäbisch isch vom Aus-Schterba bedroht! Ja wo soll mr au no Schwäbisch schwätza? Ha? Die Berliner mehged ons ned bsonders, die Bayern händ scho gnug zom doa mit ihrer eigana Oh-Verschtändlichkeit ond dend dromm iber ons Schwoba lacha ond em oigana Flegga, dem heimatliche Kesselboda wird älles vom Denglisch oder „Hochdaitsch“ vr-drängt! Drbei isch Schwäbisch oiner von de aller – äldeschte Dialeggde Eirohpas! Ha jo! Des hosch ned gwisst, gell!

Sogar Dr-hoim, in de lokale Zeidonge ond in de „Mehdia“ fendsch kaum no Dialeggd! Ond wemmr dem „Allensbach-Institut“ glauba soll, no traued sich bloss no 4 % der Leid, em Beruf Dialeggd zom Schwätza! Do bisch ferrdig – oh-kocht!

Drom fühlt sich Regio TV als Regionalsender für die Metropolregion Schtuagrd en dr Pflicht! Mir wolled ons fir de schwäbische Dialeggd ei-setza! Mir send Hoimed! Mir send Schwäbisch bis nonder an de Zoiha! So! Und des zeiga mir jetzt au! Und zwar am Dag von der Muddersproch! So sagd des jedenfalls onser Programm-Chef, dr Chris Fleischhauer!

Die Sendung isch voll mid Informationa, hoimetverbonda ond (leider) bloss dreissig Minudda lang – aber des voll luschtig ond mid Stemmung – was mr sonscht de Schwoba emmer ned zuatraut gell! Schee bled! Onser „Schornaal“ geift an dem Dag älle Theme uff, die irgendwie midm schwäbischa Dialeggd zom do händ.

Do wird die Hischtorie des Schwäbischen ammol erglärt ond somit beglickwünsche mer ons au zu onsrer bundesweit beneideta Kehrwoch, die scho 300 Johr alt isch! Wer hätts denkt, gell! Ausserdem zoged mir onsern Landtagspräsidenta dr Guiidoo Wolf ammol ganz po-äddisch und beweised eich, dass grad ao Kender saumässig gern schwäbisch schwätzed – wemmr se lassa duad!

Sodele, des send amol a baar Thema, die Regio TV Schtuagrd am 21. Februar ab 18 Uhr (Veschprzeit!) für die oigene Fernsäh-Natio parat hot! Nadierlich brauched mir au a baar schwäbische Moderatora! Do-drfihr hemmr dr Entertäiner ond Schauspieler MICHAEL GAEDT, der durch die Sendung loidet. Für die Beiträg hämmr d GRISCHTIANE MASCHAJECHI – au bekannt als „LÄDY LÄNDLE“ ei´glada ond dui vrzeelt ons äbbes vom Wäddr, wie´s hald so wird. So und jetzt kommsch du! Gell! Au ei´schalta fai! Mir missed Z´amma halda!!


DES SCHORNAAL uff SCHWÄBISCH:

Freidag, 21.02.2014, älle halb Schtond!
mit Wiederholung – au fir de Obba, gell! SA/SO, 22./23.02.14 um 18:30 Uhr, 20:30 Uhr, 21:30 Uhr, 22:30 Uhr, 23:30 Uhr
FCK-Verteidiger Hans-Günter Neues: „Ich kann die Bayern nicht mehr sehen.“

Benutzeravatar
Annetraut
Kickers-Fan
Beiträge: 10
Registriert: Freitag 8. August 2014, 14:59

Re: TV Tipp - Regio TV zum Tag der Muttersprache

Beitrag von Annetraut »

Haha das ist ja lustig! Schade, habe ich wohl voll verpasst. Aber ich muss auch sagen, dass ich mich sehr konzentrieren muss, schäwbisch zu lesen :-)

Annetraut
Es gibt kein zufälliges Treffen. Jeder Mensch in unserem Leben ist entweder ein Test, eine Strafe oder ein Geschenk...

Antworten